أحبك إيه أحبك..!! يادفا البرد وبراد الصيـف

حبيبتي كان شعري ماقدر يرسم غرامك كيف..؟؟
أبلعن جد أبو شعـري اليـن يصيـر رسامـك

وبنثر لك قصيـد ٍ مـن حشايـه مْلفـه تأليـف
وبنزف لك شعورٍ كم صحى فيك ورجع نامـك

حبيبي تستحي منك بحور الشعـر بالتوصيـف
كملت وكمّلـك رب ٍ خْلقـك وزيّـن إتمامـك

خذ عيوني لبحر عيونك الثنتين خذهـا.. ِسيـف
وخذ الخافق ودقاتـه فـدا فـي مقبـل أيامـك

وخذ من قلبي الهايم فناجيـل الغـلا والكيـف
وخذ من ضحكتي وإترك لي أحزانك مع الآمك

أبيك ولو غدا وصلك صعيب وصار به تكليـف
أبطعن لحظة الفرقا وأعادي جملـة أخصامـك

وإذا كان الزمن قاسي تراني للزمـن كالسيـف
ابذبح ساعـة ٍ تكـره معايـه لحظـة المامـك

مدامك إنك تقول ان المحبـه زادتـك تشريـف
اجـل والله يشرفنـي هيامـي يسكـن هيامـك

احبك كلمةٍ لاجلـك ابـد ماحاشهـا التزييـف
احبك واتذكر جلستـك … عطرك…وهندامـك

دلالك ضحكتك شعرك وتسريحه مع التصفيـف
كلامك ذوقك وسحرك دلْعك .. ولفـة لثامـك

غنْجك وشيلتك .. واللي تخفى ما بعد قد شيـف
عيونك اااه ياعيونك..!! ومحلا الموت باإسهامك

احبك كثر مابين الخليـج وبيـن حـد جنيـف
وكثر ماضم صدرك ياحبيبي روعـة انسامـك

احبك ايه احبك..!! وإنْ لفابك حلم والا طيـف
احبه واتمنـى لـو يجيـك الحـب باأحلامـك

أحبك إيه أحبك..!! يادفا البرد وبراد الصيـف
أحبك بس قلي وش تبي..؟؟ ويصيـر قدامـك

تراك بذمتي بأقصى الضلوع الحدب كنك ضيف
على ماودك امرني .. تراني صـرت خدامـك